Trahadonan di Aeropuerto a haya un email diadomingo cu a daña nan Pasco. Jim Fazio, CEO di Aruba Airport Authority a notifica tur trahado cu no ta bay haya macuto di Pasco. Tin hende trahando casi 20 aña y tur fin di aña ta gosa cu nan macuto di Pasco.
Trahadonan cu a sacrifica nan famia henter aña trahando overtime pa por garantisa servicio. Un di e departamentonan cu sigur ta traha cu alma y cuerpo ta Security hunto cu otro departamentonan. E email aki sigur nan no a spera.
Mientras cu Aruba Airport Authority ta fia mas di mey biyon florin, sin cu a aloca henter e fondo aki mes ainda, awor ta castiga e empleado cu cancelacion di nan macuto di pasco. Den e email a bisa cu pa awor ta cancela e macuto.
Trahadonan disgusta a expresa cu aña pasa caba a corta e macuto di Pasco dor di saca alcohol for di dje. E aña aki a dicidi di elimin’e por completo.
Mientrastanto trahadonan parce a notifica e sindicato pero awor e Presidente di STA a bira Coordinador di Minister. Nan ta sinti cu a haci esey pa silencia e sindicato y esunnan perhudica ta e trahadonan. E Presidente di STA mes a laga sa cu e tin casi 20 aña ta haya macuto di Pasco.
Trahadonan ta spera cu gerencia di aeropuerto ainda reconcilia pasobra e decision aki ta daña tur e esfera di fin di aña.
