E caso di Yamile del Rosario Burgos-Tromp ta uno peculiar. Te ainda no tin un resolucion pa su caso. E ta considera como trahado di DVG, pero laga den un incertidumbre.
E mes actualmente ta den rolstoel y e ta considera su situacion uno preocupante. E ta conta cu e ta den servicio di DVG fo’i 2018 como un part-timer trahando cinco ora, dos ora, un luna, dos luna, etc.
Despues di basta tempo a bis’e cu lo busc’e pa ocho ora. E tabata traha cinco ora Veterinaire Dienst y otro tres ora na SPD (Sociaal Psychiatrische Dienst) na Santa Cruz. Desde e tempo ey caba el a hinca su papel p’e bira un contratista. Pero te cu aworaki nunca e no a haya ningun contesta for di e minister di Salud, esta Dangui Oduber, ni tampoco for di minister di husticia y asunto social, Rocco Tjon, kende ta e mandatario encarga cu SPD.
El a sa di mustra su payslipnan di Directie Financien, unda cu ta indica cu e tabata haya pago pa su servicionan. Semper e ta haya prueba cu a ricibi su peticion, pero un contesta, nunca el a sa di haya. Yamile a conta cu e ta un hende trahado y nunca a bay AO. Tampoco ningun hende a bis’e cu e no ta traha bon. Ta p’e motibo aki mes e no sa con e ta para. E ta sinti cu nan ta haciendo inhusticia cu ne.
Awo Jamile no ta cobrando nada y pa colmo e ta sinta den rolstoel. Tur loke e sa cu tin un otro hende trahando na su luga y e no lo bay haya placa mas, siendo cu nan sa cu e tin un tempo caba ta trahando cu nan. “No ta husto loke nan ta haciendo cu mi,” ta loke Jamile a menciona.
Awo den su situacion actual di inmobilidad, mas ainda cu nan no kier pag’e. “Gobierno ta bisa semper cu nan ta husto, cu nan ta hende responsabel, cu nan ta hende cu ta yuda. Pero no t’asina. Awo si mi ta compronde cu no t’asina,” el a bisa.
Pa mayor cobertura lesa TREMPAN.
