Mescos cu otro parti di mundo, ora cu e pandemia Covid-19 a plama mundialmente na maart, a obliga residentenan di Aruba pa “Shelter in Place” na cas, scolnan a cera, no a permiti mayoria di comercio pa habri y turismo a para completamente ora nos fronteranan a cera. Pa e motibo aki Freewinds a traha hunto cu Cuerpo di Bombero den coordinacion cu Comision di Crisis di Aruba y DVG, den e lucha contra Covid-19 cu meta pa yuda pone nos economia bek riba pia.
A cuminsa desinfecta na comienso di april uzando e producto D7. E Ministerio di Boluntario di Freewinds hunto cu e Cuerpo di Bombero a cera cabes pa desinfecta mas cu 120 localidad, cubriendo 1.1 miyon pia cuadra di espacio rond di Aruba, den e lucha pa Covid-19 no plama riba nos isla. E localidadnan a inclui scolnan, misanan, centronan di bario, wardanan di polis, facilidadnan di nos fundacionnan, oficinanan di gobierno y mas.
Hunto cu e servicio di desinfecta, e Ministerio di Boluntario di Freewinds a distribui mas di 90.000 buki di “Stay Well” riba nos isla. E bukinan aki ta duna informacion educacional apropia den un formato hopi facil pa lesa y cu hopi portret con pa mantene bo mes saludabel, con pa desinfecta bo cas of bo oficina y kico pa haci ora abo of un miembro di bo famia bira malo.
Port Capatain di Freewinds, Ken Weber, a bisa “Freewinds a forma parti di e comunidad Arubano pa mas di 30 aña. Nos tabatin e hermentnan necesario pa yuda den e lucha den forma di e bukinan di “Stay Well” y e producto D7. Di ningun manera nos lo a para na banda y spera cu cos lo mehora. Nos a dicidi di tempran pa envolvi nos mes. E cooperacion entre e Ministerio di Turismo, Salud Publico y Deporte, Cuerpo di Bombero y DVG tawata excelente. Maske nos ta manteniendo nos distancia, nos ta hunto den esaki”.
Mientras e fecha di reapertura di nos scolnan tawata acercando e Departamento di Enseñansa a bira otro parti di e ekipo coordinando e proceso di desinfecta e scolnan. Banda di esaki e bukinan di “Stay Well” y e videonan a wordo obsekia pa educa e studiantenan.
Despues di a desinfecta Commandeur Pieter Boer School y obsekiando e scol un cantidad di buki di “Stay Well”. E cabesante, Ustelle Cornet a bisa: ”Esaki ta hopi bon informacion pa tin. Nos lo por duna e informacion corecto na nos alumnonan uzando e bukinan aki. Nos por uza e videonan pa un di nos prome lesnan. Hopi danki pa loke boso ta haci. Dios bendiciona boso”.
Awo cu nos fronteranan a habri y hende ta yega di otro paisnan, ta inevitabel cu casonan di Covid-19 lo subi. Pesey ta asina importante pa e protocolnan wordo sigui pa proteha abo personalmente y tambe otronan pa asina mantene e cantidad di casonan na un minimo. Pa haya sa mas con esaki por wordo hasi bishita www.scientology.org/staywell
