San Nicolas Business Association tabata tin un Townhall Meeting. Segun presidente di e asociacion, Andres Hernandes, a splica cu el a sali miho di loke a pensa. El a spera si mas asistencia di pueblo, door cu esaki ta bay defini e futuro inmediato pa San Nicolas.
Sinembargo el a sali hopi bon. Tabata tin participacion di por ehempel Minister Andin Bikker, cu e curason a bis’e pa e bin pa e meeting aki. Tabata tin participacion di Toon Jansen cu a bin di Hulanda, pa loke ta e asunto di Fast Ferry.
Hernandes ta pensa cu e anochi aki tabata uno hopi positivo y esaki no ta suficiente. Manera cu por a ripara, tabata tin hopi pregunta y e tempo a bira cortico. Esaki ta un prome di hopi mas cu mester bin.
Proyectonan pa San Nicolas
Hernandes a splica cu e proyecto cu a yama Vision di San Nicolas Business Association, ta bin prepara pa un grupo di experto, unda cu nan no tin e refineria manera e punto principal of e anker di e diferencia y crecemento di San Nicolas.
No mester lubida cu tabata tin e refineria habri caba y tabata 50% coriendo. Tabata tin mester di mas volumen di hende. Esaki no a logra. Asina ta cu a bin un idea di traha riba puntonan di crecemento cu na principio tur por a wak manera straño. Pero e ta haci asina hopi bon sinti, cu a embrace e idea y a traha riba dje te yega na e prome framework.
Siguiente paso
E siguiente paso ta pa gobierno buta un grupo di experto, no necesariamente politico, pa yuda forma e framework aki y dun’e un concepto. Tin hopi pa bay traha riba dje. E ta un concepto cu demasiado expansion. Paden e ta hopi dede, unda cu e man di tur loke por pasa, no ta e asociacion. Mester di pueblo canando hunto cu nan. Esey ta bira e pregunta, kico pueblo kier. A bolbe trece algo cu ta hopi positivo. Ta papiando di educacion. Ta papiando di universidad pa San Nicolas. Ta papiando di un Universidad cu ta bay trece fluho, ta bay tin mester di alohamento, ta bay tin hendenan bibando p’ariba bek. Ta evita e migracion cu tin di Arubianonan hoben p’afo di San Nicolas. Esey ta uno. Ta papiando di prepara nan propio hendenan pa nan por tuma rienda den hotelnan chikito di maximo 25 camber y haci nan tipo Boutique Hotels. Ta bay tin mester pa e procedimento cu Imsan. Den e meeting cu Imsan, nan tin pensa riba turismo medico. E pregunta tabata, unda ta bay hinca tur e hendenan aki. Tin turismo medico, pero no tin unda a hinca e personanan aki den algo decente cu por representa e personanan cu ta bin haci su tratamento medico. E ora ta bin aden e parti di e Boutique Hotelnan.
Completamente e vision di SNBA ta pa duna oportunidad na e Arubianonan mes, e inversionistanan chikito y mediano Arubiano, miho si nan ta di San Nicolas, pa por reconverti esaki y tuma rienda riba dje.
Mensahe
Mensahe principal di Hernandes ta, ta cu pueblo mester compronde cu ta trahando pa pueblo. Mester di pueblo pa cana dilanti di SNBA, ni sikiera na banda, pa por sigui logra, loke nan ta buscando. Pa e pueblo di San Nicolas.
Tin un momento pa prome biaha den 15 aña di Hernandes den e organisacion, ta un momento cu tin cooperacion di prome minister, tin e cooperacion di minister Andin Bikker di Husticia, di minister Chris Romero. A haya confirmacion cu pasobra tin e desaroyo di caya principal di San Nicolas, den un Mini New Orleans Style of Bourbonstreet. E plannan aki ta traha caba. A wordo confirma cu minister Otmar Oduber ta di acuerdo pa sinta papia y duna e guia cu ya caba nan a traha riba dje. Kiermen esey tambe tin. No ta perde e momentonan aki. Y no ta SNBA, ta tur e asociacionnan cu ta na San Nicolas hunto y cu pueblo, segun Andres Hernandes.
