Desde mainta tempran diaranzon, e touroperatornan a blokia entrada na waf no solamente na gate number 3, pero tambe na e gate cerca di e turborotonde riba LG Smith Boulevard. E grupo ta rabia pasobra a bin cierto regla con pa nan para bus y pa nan, ta sinti cu esey no por sosode. DOW a pone borchi. Ayera caba nan a vocifera nan mes cu nan mal contento. Awe a bin tempran y mirando cu cos a bira mas pisa, nan a dicidi di blokia tur entrada di waf.
Ningun hende no por a drenta, ni sali. Eynan tambe, e grupo di tourbus, tambe tin entrada di waf eynan blokia. Un di e touroperatornan a splica cu e no sa kico nan kier purba di haci e touroperatornan. Nan ta purba di traha pa nan pan, pero nan ta pushanan di cashi pa muraya manera cu nan ta un tipo di criminal, of ta molestia hende. Nan ta hendenan cu ta traha pa nan pan. Nan ta paga hopi belasting, seguro y ainda nan ta pushanan un banda. E ora ta haya nan mes di para pa nan derecho. Door cu ningun hende ta para pa nan, nan mes ta haci’e pa nan mes. E ora ta bon pa reuni, para hunto y para pa nan derecho.
Nan no tin caminda pa para. Nan no por para patras y despues busca hende di waf y cana bay na e bus. Unda nan lo para. Nan mester di un parkinglot unda cu nan por opera. Esey ta loke nan ta para pe, pa nan derecho. Pa nan haya un luga pa para, pa nan por traha.
Blokeo
Carlyle Nicholson ta un otro touroperator cu hopi aña trahando den e negoshi aki paden y pafo y mas tanto pafo. Pafo e ta ripara cu no tin ningun sorto di respet pa un tourguide cu ta traha. Nan ta wordo trapa pa hopi aña caba pafo y e hemchi a yena. A yega e momento pa nan para pa e situacion aki. Awe tabata e limite, pasobra nan no por wanta e situacion aki mas. E problema ta cu dos dia pasa, nan a bisa cu no por para mas unda nan ta traha nan pan. Nan tin seis luna cu ta trahando ora tin e high season di crucero. E taxinan ta traha dia y anochi, henter aña y awor ta high season, nan ta bin mishi cu nan pan, den e sentido unda cu nan no tin ningun caminda di bay. Ningun hende ta bisa nan unda pa bay. Nan a pone un borchi ayera nochi y awe a bin un biaha mas. Ayera kier a bay den accion caba, pero e presion cu a pone ayera, a bisa cu lo cambia e borchi di e tourbusnan. Despues nan a pone e borchi di taxi, indicando cu taxi tin mas privilegio atrobe. Awo unda nan tin cu bay. Si nan no para awor aki, nan lo end up unda cu nan lo no por traha y nan tin un traha.
Bo no por trece un turista for di main gate te pabao na unda cu nan ta para. E ta unprofessional. A yega momento awor aki cu nan a dicidi cu nan ta cera tur porta di waf pa nan haya atencion y splica. Nan no por mas. Un tourbus mester, como un prome cara na waf, mester tin e libertad di traha. Nan tin DOPV riba nan, nan tin polis riba nan, tin biaha riba nan area di trabao, nan ta haya boet. Nan ta tourguide on the run, pa haci nan trabao. Nan tin cu wordo respeta, ya cu nan ta pafo caba. Paden ta bira awa limpi y nan ta pafo. A yega un punto cu nan ta yega y para pa nan accion.
