Diadomingo ultimo Copa Francisco Bubeis Gomez a ranca sali riba veld di Olimpic, situa na Maria Maai. Den e proximo simannan, e lo ta sede di un torneo di softball. E torneo aki lo tin un duracion di cinco siman.
E torneo aki, Copa Francisco Bubeis Gomez ta un torneo organisa pa Astros Softball Organisation. Giovanni Gomes, Comisario di Astros Softball Organisation y den nan plan di organisacion tur aña nan tin e torneo Copa Bubeis Gomez. E torneo aki ta specialmente pa e softbolistanan di 60 aña pariba, cu ainda tin e gana y e forsa pa practica deporte.
Un total di ocho ekipo ta participando, cual ta e cinco miho ekiponan di Aruba. E torneo lo tin un duracion di cinco siman, unda cu e ekiponan aki lo bataya contra di otro. Y na fin di april lo ta e gran final.
Francisco Bubeis Gomez ta un persona cu tabata un gran amante di softball y ta tambe e fundado di Astros na 1982. E intencion di e torneo aki ta pa sigui cu e tradicion y ta tambe un manera pa rindi homenahe n’e gran personahe aki cu tabata un gran amante di deporte.
Astros Softball Organisation lo ta biahando na juni pa Cali, Colombia. Asina Michael Tjin Koen Fat a cuminsa a bisando.
Dia 28 di april lo ta e gran final, unda cu musica lo ta na encargo di Tsunami. Astros ta e campeon di aña pasa y e aña aki nan t’ey bek pa defende na titulo di campeon. Tjin Koen Fat a bisa cu Astros ta cla pa duna un gran bataya pa asina un biaha mas titula campeon di Copa Bubeis Gomez 2024.
Bini uno, bini tur. Ainda tin 4 siman mas di torneo. Bin apoya tur e teamnan, caminda cu bar y cushina ta bon surti.
El a gradici tur e sponsornan cu a haci e evento aki posibel.
