Topcar a introduci e modelo nobo di Kia, cu ta Kia Niro Hybrid 2023. Manera ya ta estilo moderno, dinamico di Kia, e ta un Crossover sumamente bunita y popular. Esaki ta prome biaha e modelo aki ta yega Aruba. Beyesa, versatilidad y economia di gasolin door di su caracter hibrido ta uni.
Y asina ta presenta bo e vehiculo perfecto pa e mundo actual. Segun, Johnathan Harsveld, representante di benta di Topcar, e auto aki ta un vehiculo hibrido. E ta uza gasolin y tambe e ta uza coriente.E auto aki tin un motor di 1.6 liter cu 4 cilinder. Ora cu ta coriendo bao di 50 kilometer pa ora, e auto ta bira ful coriente. Ora cu e coriente baha, e motor mes ta start pa charge. Tambe e tin su regenerative braking ora cu e brake, e ta charge e baterianan.
Durante careda riba 80 kilometer pa ora, tur dos motor ta trahando of e motor so ta trahando, cu ta hopi bon di dje. E parti dilanti y exterior di e auto, ta uno sumamente bunita. Tambe e tin su ‘tiger face’, cu ta di e diseño di Kia Niro. E ta bin cu su luznan LED dilanti color blanco. Na momento cu pone e señal pa bira (richtingaanwijzer), e color ta bira oraño.
E auto aki tin su projectorlights dilanti y su Fog Lights di LED y na banda di dje e tin su ‘two-tone’, cu ta e highgloss black trims y tambe e colo mes di e auto. E auto tin un diseño unico
Na momento cu yega cerca di e auto su spielnan ta habri y cera y e spielnan mes tin su luznan LED cu ta signal light. E auto ta ekipa cu un backup camera y un backup sensor. Fuera di esey e ta bin cu su riemnan 18.
E REMOTE
E Kia Niro tin su “Smart Key” cu lo por lock y unlock y tambe lo por habri of cera e bentanan di e auto.
Y sin lubida lo por remote start y tambe paga e auto via e “Smart Key”.
Na Aruba, cu ta un luga hopi calor, por laga e airco cendi, ora cu paga e auto. Y merdia ora bo ta cla pa bay lunch, ta primi e boton di e remote, ta start e auto y ta fria e cabina di auto. E ora bo por drenta bo auto sin tin mester di warda hopi cu e airco lo fria.
Asina cu sinta den e e auto lo por mira cu e Niro tin un push start button y riba e stuurwheel lo tin tur e botonnan cu por controla e radio y cruise control.
E DASHBOARD
E ta bin cu dos screen grandi, uno di 10.25 inch screen net dilanti, cu por mira e RPM, por mira con zuinig ta coriendo y riba EVmode of ta coriendo riba gasolin. Tambe por mira e kilometrahe, entre otro.
Banda drechi di e dashboard por haya un touchscreen radio, unda cu bo por sincronisa bo telefon Apple carplay of bo android, cual ta hopi bon. Aki por mira bo mapa, bo whatsapp, etc. y si bo no por les’e, e ta radio mes lo por les’e pa bo tende.
Tambe tin un feature caminda bo hinca bo celular memey y por carg’e n’e wireless charger.
SEATCHARGER
Den e Kia Nero tin varios seatcharger. Seatcharger ta un sienta cu ta charge bo telefon den corto tempo. E tin su seatcharger parti patras y dilanti tambe.
STOEL DI CHAUFFEUR
E stoel di e chauffeur ta un ‘electric seat’, y ta bin ful di cuero, cual ta hopi bunita. E stoel di pasahero tin un otro feature, caminda cu por hisa, specialmente p’e pasahero di un estatura cortico. E sienta di e chauffeur tambe tin esaki.
