Aruba Hotel & Tourism Association (AHATA) ta kere cu nan outlook 2020 lo bira menos. AHATA lo haci un estudio di nobo riba kico nan ta premira pa resto di aña.
E asociacion a papia cu diferente hende y e ta biba den hende, unda ta kere cu e ta bay ta menos di loke a proyecta anteriormente. Tisa LaSorte, CEO di AHATA, a bisa cu Aruba a experencia un di dos brote grandi y esey a haci varios cambio. E entrada cu ta bay bin pa Aruba ta mas tanto turismo, pero e brote grandi a afecta esaki.
Pa por controla e brote aki, ta tuma tempo. Den comunidad tin hopi transmision di e virus y esey a pone cu varios pais ta pone un alerta mas halto pa no biaha pa Aruba. Esey ta afecta turismo di Aruba y hopi hende tin miedo pa biaha. AHATA ta kere cu e proyeccion nobo cu lo sali aki un siman, ta menos di loke a saca anteriormente. E situacion di recuperacion lo ta hopi mas pocopoco di cual ta kere. Segun LaSorte, “Cada dia ta parce ta bay ta pocopoco di loke nos tur a kere.” Esey ta nifica atrobe cu e situacion ta mas precario di loke hende ta kere. E CEO di AHATA lo haci e estudio di e proyeccion aki, pero den e prome siman di september na e ta haya e cifranan di augustus.
