Recientemente lider di partido AVP, mr. Mike Eman a declara cu asina cu Partido di Pueblo Arubano (AVP), drenta gobernacion, lo aumenta e suma di pensioen cu 50%. Ta un promesa cu Eman lo hiba tambe den e proximo campaña electoral. Di otro, a acerca lider di fraccion di MEP, Hendrik Tevreden, p’e comenta riba e situacion aki.
Tevreden ta di opinion cu un ponencia asina no ta serio, hasta ta di opinion cu diferente instancia di respet manera IMF a cuestiona e forma con Eman a goberna e pais durante su periodo. E falta di seriedad di Eman y un persona di su caliber, ta locual Aruba no mester mas. Di otro banda ta mira su economia ta creciendo danki na turismo. Pero cu tipo di mentalidad asina, no ta yuda y tampoco guia e nacion riba e caminda corecto. “Ala loco” t’e forma con Eman kier goberna nos pais y no mester un persona asina mas den gobernacion, Tevreden ta di opinion.
E mentalidad di Eman ta hiba e pais den un kiebro. “Nos tin cu bira serio”, Tevreden no tin nada contra Eman personalmente pero ta mira con e partido berde ta cayendo den otro. Sea cu a bay lag’e of cu e bieunan manera De Meza y Dowers kier bolbe bay un eleccion mas y no ta duna espacio p’e jongnan ricibi un chens.
