Diahuebs anochi teatro Gloria VIP tabata anfitrion di un otro estreno. E biaha aki tabata e première di e pelicula di mas nobo di James Bond: ‘No Time to Die’. Esaki den colaboracion cu Grey Goose.
Pa 9:00 pm un total di 175 persona a presenta na e teatro pa por a forma parti di e anochi di première exitoso aki. Na entrada a ricibi cada persona cu un Martini y tambe nan por a disfruta di un platter VIP durante di e pelicula.
Fuera di esey e fanaticonan c’a cumpra nan entrada den e early bird, a haya un regalito di parti di Grey Goose.
Ta invita tur hende pa keda pendiente pa e proximo evento patrocina pa Gloria.
