Diadomingo un team di windsurfers Hulandes a yega Aruba hunto cu nan coach. Ta trata aki di team di igfoil di Hulanda.
Debi na e situacion di COVID na Europa, e no tabata posibel pa e team di Iqfoil Aruba y esun di Hulanda train na zuid Europa. E dos teamnan conoce otro di eventonan internacional na Suisa y Italia y a entrena hunto recientemente.
Aruba Sailing Association y e TC di Sports Grant Committee a corto plaso a logra reacciona y programa e peticion pa nan entrena na Aruba.
Aruba tin tur e posibilidadnan pa train cu tanto bientonan fuerte y cu casi nada di biento y disfruta di bon condicionnan pa e maniobranan di sailing.
Tur tream tin e mesun ekipo cu e color oranje fuerte cu lo por mira bon riba lama den e proximo simannan. E ta un tremendo oportunidad pa mira e deporte nobo aki for di beach y tur hende ta bon-bini pa yega y admira e training, teniendo cuenta cu e protocolnan di COVID.
For di awo te cu e periodo di Pasco y for di januari 5 te cu 24 e dos teamnan lo train hunto. Team Aruba (Ethan Westerta, Malik Hoveling, Tom de Vries , Sarah Quita Offringa y Carmen Geelkens) lo biaha pa Miami despues di e periodo di training na final di januari pa e prome careda di 2021 cu pa Tom de Vries (esun di mas hoben) tambe a cualifica pa Panam Junior Games na september na Cali.
iQFoil ta un categoria di windsurfing selecciona door di ISAF pa reemplasa e RS:X den Summer Olympics 2024.
