Diaranson anochi, Calabas, Kudawecha y vecindario lo sacudi zonido di misil ora cu e team nobis nobis di e veteranonan den domino, esta team Misil, sali den nan gran anochi di debut aya n’e unico y mundialmente famoso Domino Square Garden net n’e grens entre Calabas y Kudawecha, dilanti di e ‘beruchte’ palo di kwihi cu mal ehempel! Si shonnan, un biaha mas, e famoso Domino Square Garden tin otro encuentro di domino. E biaha aki entre esunnan di edad ‘avansa’, team Misil, kende lo haci nan gran debut contra e team di esunnan ainda ‘den bruki’!
Cos ta cayente! Hopi palabra a skeiro bay bin entre esunnan den edad di pensioen y esunnan mas nobato. Wel wel, diaranson awo 25 di mei, cuminsando pa 7:30 pm, e bataya lo start den tur su furia caminda Team Misil kiermen cu ya nan tin nan misilnan cla caba p’e muchanan jong.
Un lista secreto a cay den man di redaccion caminda por wak varios integrante peligroso lo figura e anochi ey! Guynan ‘zware jongen’ den domino manera Yoyo, Tico, Gordon Roy Leyba, Indio, Sonny, Yayo, Roy Sneek, Tony Trimon y señora y ‘last but not least’, e guy cu ‘sleight of hand’ den domino, nada menos cu Robby Jansen!
Manera semper, entrada y snacks lo ta completamente gratis! Asina ta p’e amantenan di bon domino, bini uno bini tur diaranson awo, 25 di mei, cuminsando pa 7:30 pm n’e unico y mundialmente famoso Domino Square Garden aya na Calabas!
