Luis ta e tata y Luismar da Silva ta e yiu. E tata gusta pisca y a sali trempan cu su yiu pa lama grandi den e biento fuerte pa manda liña fondo. Nan pesca a bay bon y nan a corona cu un tremendo Djampou cu a pisa 145 kilo.
Nan a drenta na Rancho di Spaans Lagoen y eynan a logra colga e Djampou y pis’e. Pa e temporada di cuaresma e ta un tremendo pesca. Pisca ta scars den e temporada aki y biento fuerte di cuaresma ta haci e piscamento dificil y riesgoso.
Un pabien na e dos piscadonan cu ta Portugues di Pos Chikito cu a bin tera contento despues di basta ora di piscamento den lama poco bruto y cu hopi biento.
