Recientemente e ciudadano Luciano Tromp a perde su luga di biba, cu ta situa na Pos Abao 8D. Ta trata di un trailer cu e tabata biba aden y cu lamentablemente a pega candela.
Naturalmente 24ora.com/ TREMPAN a bin mira e situacion penoso cu e ciudadano di edad mayor tabata aden. Loke ta mas tristo ainda, cu ningun instancia te asina leu, no a bin duna un man pa sac’e for di e luga y dun’e un luga digno pa biba. Te ora cu e miembronan di Stichting Oasis of Love a presenta pa bin duna un man.
Omar Thode, miembro activo di e fundacion, a menciona cu ta un situacion fastioso caminda cu e persona a biba eyden y a perde su hogar. Thode a splica cu nan tin un trailer caba p’e ciudadano, pero mester kita esun kima for di e luga. Transporte ta hunga un rol hopi grandi.
Ta p’esey mes e fundacion ta haci un apelacion na pueblo pa yuda cu e transporte di e trailer y su renobacion. A haya donacion pa transporte di e trailer, pero falta 500 florin pa asina por hiba e trailer nobo p’e cabayero tin su hogar bek.
Pa mas detaye lesa TREMPAN.
