Un proyecto cu ainda no a keda realisa na Fundacion Respaldo – cual lo ta uno cu lo por yuda algun famia aki na Aruba masha hopi mes pa loke ta cuido di pashentnan cu ta sufri di algun of otro tipo di trastorno of problema psikiatrico cronico – ta e proyecto di ‘Beschermd Wonen.’
Psychiater dr. Nathalie Kingsale ta splica nos cu na Aruba na momentonan aki solamente tin Fundacion Biba Bao Guia cu ta un organisacion cu ta haya cas via FCCA.
Tin biaha tin hende ta biba nan so den un cas, tin biaha tin mas hende y nan ta pasa algun bes pa siman pa yuda nan mantene e cas limpi, haci compras cu nan, guia nan riba parti financiero y mas.
Sinembargo, bo tin un categoria di hende na unda esey no ta suficiente. Nan mester di un Beschermd Wonen na unda bo tin un persona presente cu e pashent pa ocho ora of mas, pa guia e hendenan, duna nan remedi, yuda nan cushina etc,.
Tur esaki a bini dilanti den un entrevista amplio cu e Psychiatra Nathalie Kingsale.
