Dialuna Prome Minister Hulandes, Mark Rutte, a pidi despensa na nomber di Estado Hulandes pa 400 aña di colonialismo y sclavitud.
“E echo cu a yega asina leu di pidi despensa tabata resultado di varios decada di organisacion, mobilisacion, enseñansa y educacion tocante colonialismo Hulandes door di e descendientenan di esclavo. Esaki ta haci cu e disculpa ta un momento historico, pa cual varios generacion a bringa p’e”, segun lider di fraccion di BIJ1 den Tweede Kamer, Sylvana Simmons.
Esaki no ta kita cu BIJ1 ta hopi critico cu e desaroyo di e acontecimentonan. Un proceso di e tipo aki mester di un bos di liderazgo di e personanan directamente afecta. Sin e participacio ekitativo di e gruponan aki y e falta di medida di siguimento, e disculpa lo no tin contenido. Ta comprondibel cu varios di esunnan envolvi no por acepta esaki.
Simmons a sigui bisa cu “for di momento cu BIJ1 a logra un asiento den Tweede Kamer, nos a boga, no solamente pa e despensa pa e pasado colonial y di sclavitud, pero tambe pa medidanan di reparacion”. Esaki ta nifica, entre otro, investiga cu e comunidad envolvi con, di ki forma y den ki termino por haya husticia pa e debe cu Hulanda tin cu nan. Y cu e medidanan di reparacion, hustamente p’e motibo aki, ta inevitabel.
