C’un bunita presentacion di un show di baile di the Nutcracker, Super Do it Center na Shaba a inaugura su seccion di Pasco.
Tabata un trabou di ekipo di Super Do It Center, cu a haci e bunita seccion aki un realidad. Santa Claus tabata tin e honor di a corta cinta p’asina e publico presente, cu tabata den expectativa pa e seccion di Pasco por a pasa y wak tur e bunita productonan obtenibel na Super Do It Center.
E diferente clientenan cu tabata riba expectativa a bin pa mira pa nan mes e magia di Pasco cu no ta caba. Diadomingo tabata tin e inauguracion di e seccion aki. For di bala di Pasco, na un prijs super atractivo. por a aprecia diferente set, den color berde y color, pero tambe otro color manera por ehempel, e color biña. Tabata in un variedad grandi di decoracion di e color biña, den diferente tamaño, obtenibel na budget di cada un, cual a varia for di bala di Pasco. Pero tambe diferente adorno pa bo sala. Pasa wak pa bo mes tur e diferente acesorionan cu tin pa e decora bo cas pa e temporada di Pasco. Algo cu sigur ta hopi usual p’e temporada aki ta e Christmas ‘fireplace’ digital na un bunita prijs.
Pa e amantenan di decoracion, tin tambe e ciudadnan miniatura, tin diferente casita, cu cual bo por traha bo mesun ciudad di Pasco bou di kerstboom. Na Super Do it Center bo mester ta pa por haya e decoracionnan di tur sorto di color, tamaño y smaak, pa bo decoracion di Pasco.
Lisanne Coffie, Representante di Mercadeo di Super Do It Center, a indica cu e aña aki, Super Do It Center a bin cu colornan diferente, decoracion bunita. El a extende un invitacion n’e pueblo di Aruba en general, pa bin pasa wak tur loke Super Do It Center tin di ofrece.
Un publico grandi a presencia e apertura di e seccion di Pasco di Super Do It Center na Shaba. Tur loke bo mester pa bo cas, for di cuminda te cu decoracion pa bo cas p’e temporada dushi di Pasco, ta obtenibel na Super Do It Center.
Pa 4:00pm, Gaita Katatumbo a duna nan presentacion, pa asina deleita e publico presente cu e dushi ambiente di Pasco.
Pa e temporada di Pasco, Super Do It Center Shaba lo ta habri di dialuna pa diasabra for di 8:00am te cu 8:00pm y diadomingo ta habri for di 8:00am te cu 6:00pm. Do it Center Savaneta ta habri di dialuna pa diabierna 8:00am te cu 6:00pm, diasabra 8:00am te cu 4:00pm, diadomingo 9:00am te cu 1:00pm.Super Do it Center Camacuri di dialuna pa diabierna 8:00am te cu 6:00pm y diasabra di 8:00am te cu 4:00pm.
