Un chauffeur a keda herida cu sla fuerte na cabes. Diaranson el a haci aña y pa suerte a gana un premio tambe di alcohol y cuminda. Diahuebs no tabata su dia di suerte. Ora cu el a sali pa bay busca premio y yegando cas bek el a accidenta.
Faltando 200 meter pa yega cas na Shete a core poco den robes y dal frontal riba e caminda smal direccion e sero di Shete. E chauffeur di e March no tabata herida. E chauffeur di e Suzuki SUV si tabata levemente herida cu un golpi fuerte na cabes. Ora e personal di ambulance a yega e chauffeur tabata riba pia. A lag’e subi cama y hibe den ambulance pa un control y dicidi si ta hib’e pa Hospital.
Departamento di trafico a atende e accidente. E Suzuki cu a ocasiona e accidente no tabatin seguro valido. Ambos auto no por a sigui core y takelwagen tabata necesario pa move ambos. E caminda a keda blokia cu ambos auto accidenta.
