Casi na final di aña a bini den publicidad e kiebro di relacion cu a surgi entre Universidad di Aruba y dr. Ryçond do Nascimento. Un informacion cu a bay den mal tera cerca studiantenan cu ta considera do Nascimento un profesor cu ta inspira y pusha e hobennan pa no entrega ningun momento.
Esaki ta e motibo tambe cu studiantenan di Universidad di Aruba a dicidi di manda un carta pa Minister di Enseñansa den cual nan ta expresa nan experencia positivo cu Ryçond, kende semper ta pusha nan pa sigui bay dilanti.
Nan ta considere un ehempel con ta bay dilanti. Nan ta bisa tambe di ta compronde cu por tabatin mal entendimento pero conociendo e forma di Ryçond do Nascimento, e ta un hende cu por papia trankil cun’e, trata di yega na un acuerdo pa e bienestar di e studiantenan, di e facultad y di e Universidad.
Tambe nan a menciona cu e ta forma parti di diferente comisionnan, a haci diferente tipo di trabou pa cual nan ta kere cu su retiro lo ta un perdida grandi pa Universidad. “Nos mester di mas docentenan cu ta kere den nos y cu ta inspira nos pa bira e miho huristanan,” e studiantenan ta bisa. Na final nan ta haci un apelacion na e Minister pa intermedia den e asunto aki y pa cual nan ta gradicie di antemano.
Loading…
Reload document 
Open in new tab 
