Diabierna mainta na Linear Park, Stichting voor Verstandelijk Gehandicapten Aruba (SVGA) a bini hunto cu su clientenan, e trahadonan, e mayornan y publico pa un fun walk. E caminata aki ta en conexion cu e dia Mundial di Limitacion, cual ta tuma luga diadomingo awo, 3 di december.
Els van Homelen, directora di SVGA, a splica cu e dia internacional di hende cu limitacion. Mundialmente ta celebra esaki dia 3 di december. SVGA a bini hunto pa asina pidi atencion p’e dia aki. Nan a bini cu e clientenan, e trahadonan, e mayornan y publico general pa haya atencion p’e personanan cu limitacion.
Esaki ta algo cu semper nan ta hende vulnerabel y semper mester traha duro pa nan haya derecho pa ta mas igual posibel den comunidad. E directora a indica cu esaki ta algo cu celebra desde 1992. Nacionnan Uni a pone e dia di 3 di december pa celebra, pa atencion p’e hendenan cu limitacion. El a gradici tur esunnan cu a yuda haci e dia di diabierna uno posibel.
Mariënne Laclé, lider di grupo, a splica cu nan meta di e caminata ta pa promove movecion, inclusion y aceptacion di henter comunidad di Aruba. En realidad dia 3 di december ta dia Mundial di e personanan cu Limitacion. Cu e caminata aki SVGA kier a mustra kico e clientenan por. Tin e mentalidad di tur hende cu nan por menos, pero SVGA kier mustra cu e hendenan cu limitacion tambe por haci tur cos cu otro persona ta haci.
Reduci cantidad di cliente
E fundacion tin un total di 250 cliente. Van Homelen a sigui indica cu ta di lamenta pa motibo di falta di financia, pero pa otro aña nan mester bay baha den e cuido. Nan ta lamenta esaki hopi mes. Pero desde 2017 nan ta pidi mas subsidio, pero ainda nan no a haya oido fo’i gobierno.
Van Homelen a indica cu ta lamenta esaki, pero pa januari nan ta bay krimp in un grupo. Esey ta significa cu nan ta reduci di 250 pa 235 cliente pa dia. SVGA ta spera cu ainda gobierno ta scucha nan y cu otro aña nan por haya algo extra riba e presupuesto, pa asina por keda cu e grupo.
Pa mas lesa TREMPAN.COM.
