Gerencia di Arutram ta bezig pa haci diferente cambio den e parti di mehora e servicio, den e sentido pa tin miho informacion, tanto pa turista como local, di locual tin y e ruta di e tram, di museo, etc.
Segun director di Arubus/Arutram, Teo Croes, Stichting Rancho lo bay tin un workshop pa e trahadonan di Arutram, caminda cu nan lo bay tin mas informacion, di manera cu nan lo por contesta hopi pregunta na turistanan y duna mas informacion, cu ta parti di e servicio. Apart di Stichting Rancho, lo bay tin otronan cu lo bay wordo ehecuta. Tin otro plan pa mehora e servicio y duna miho training na e trahadonan.
Peticion di turistanan
Tabata tin un training den pasado, pero no mucho intensivo. Awo cada fundacion y cada organisacion cu tin informacion di museo, di e toren, etc. lo bay ta trahando cu nan. Esaki ta e inicio y ta aprecia esey di parti di Stichting Rancho cu ta duna e sosten di e banda ey. Turistanan semper ta puntra y esey ta conoci na Aruba cu semper ta duna hopi informacion. Ta un parti di turismo y den parti di area di hotel cu ta duna na e waiternan etc, esunnan cu ta deal directo cu turista. E coredornan di tram ta e personanan cu ta wordo puntra mas. Esaki ta un parti esencial di e training.
Idioma
Tin e facilidad pa papia y apart di esey ta uzando caba awor aki Ingles y Spaño. Pero tambe tin cierto anuncionan cu ta bay den Papiamento tambe. E lo bay bira en principio na Ingles y Spaño.
Stichting Rancho
Clifford Rosa ta presidente di fundacion Rancho y nan ta contento cu lo traha hunto cu Arutram, riba un proyecto pa duna un tayer na e trahadonan. Tambe lo tin hopi mas preparacion pa duna informacion na e bishitantenan cu ta yega, pa subi riba e tram, tanto nos localnan, pero e turistanan, pa asina den tur forma duna un informacion general riba e ruta cu ta pasando.
Pa e fundacion ta hopi importante, cu na momento e turista yega den e area aki, como bario, ta mira esaki tambe parti di e desaroyo y pa e desaroyo cu ta traha riba dje como fundacion, ta pa por educa nos hendenan local, nos generacionnan cu ta bin, pero tambe lo tin acceso pa duna mas informacion educativo na e bishitantenan cu ta e turista.
Ta focus tambe con por duna algo na e turistanan cu ta yega via crucero, pero mesun cos tambe turistanan cu ta baha via e busnan na e stacion di bus, cu por subi riba e tram, of cu por bay cana den e vecindario di Rancho, cu por tin informacionnan na nan alcanse. Pesey Fundacion Rancho ta sumamente gradicido y contento cu e momento, mirando cu esaki lo bira un di e prome acuerdonan cu fundacion ta cera cu un NV y esaki pa e fundacion ta algo sumamente importante, mirando como fundacion cu no tin e sistema di subsidio structura. Ta hopi trabao tabata tin den e ultimo 8 añanan cu a sosode, unda cu nan tabata haya yudansa, of di algun parti di gobierno y e parti di Cede Aruba. Esey kiermen cu tin hopi otro proyecto cu ta pendiente di fondo cual nan mes tin cu traha pa genera e fondonan ey. Un acuerdo manera esaki lo ta un estimulo pa sigui traha y traha sigur pa educa. Pero tambe teniendo na cuenta cu e gastonan operacional cu tin, cu lo mester bay wordo cubri. Esaki sigur ta un di e prome pasonan cu a duna, esta e acuerdo entre Stichting Rancho y Arutram NV.
