Stichting Hunto ta organisando un ‘Christmas Bazaar’ cu e intencion pa por recauda fondo. Nan ta recaudando fondo pa e clientenan aki cu ta adicto ambulante cu ta pasa nan dia na e shelter unda nan ta haya cuminda, paña pa bisti, cama pa drumi y tambe nan por baña.
E organisacion ta haci hopi actividad cu nan tambe manera bay lama of bishita Parke Arikok, y tambe pa por motiva nan pa drenta e Rehab center na Centro Colorado. Esaki tambe ta bin cu un costo, kiermen pa e motibo aki ta recaudando fondo pa asina sigui brinda e servicio na e clientenan cu ta bishita e shelter.
E evento mes lo tuma luga riba 10 di december, for di 10:00 Am pa 3:00 PM na Appeldamstraat #4, net patras di Pius X School na Dakota. “Esaki ta pues un bon oportunidad pa pueblo di Aruba bin conoce nos edificio nobo”, segun Daneshka Rodriguez di Stichting Hunto.
E edificio nobo lo brinda e parti di Kind & Jeugd en Verzslavingstraject. Pa e evento aki lo tin diferente articulo di Pasco, entretenimento, un Kids Corner, diferente cuminda cu actividad super leuk. Ta invita pueblo di Aruba cordialmente pa bin pasa un dushi rato akinan y aporta na un bon causa.
