E torneo di softball Himno y Bandera organisa pa Splash Softball Team a termina. Un total di seis team, dos di Aruba, dos di Hulanda, un di Corsou y Merca, a participa y na final e dos teamnan di Aruba a topa otro den final. Na final di atardi Splash Softball Team a bay cu e titulo riba Sweet Devils.
Jorge Santana Cortina, manager di Splash Softball Team, a bisa cu tur cos a bay bon, e hungadonan a yega veld y haci nan esfuerso p’e titulo. Nan ta hopi contento pasobra e ta dedica na Rubia Ras y Wendy Dirksz. Santana Cortina ta kere cu nan merece e titulo aki, pasobra nan a lucha p’e.
E ta gradici cu e organisacion pa dun’e e oportunidad pa actua como manager pa prome biaha y a purba haci tur cos posibel pa keda campeon. Desde prome instante como manager, el a informa e hungadonan di tin un team grandi y mester traha riba esey pa yega campeon. Splash Softball Team ta existi pa mas o menos binti aña.
Splash semper ta den rivalidad cu Sweet Devils. El a indica cu Sweet Devils tin un tremendo team, semper nan ta yega pa bataya y esey ta respeta. Pero Splash tambe tin un bon team y diadomingo nan a demostra esey. E wega tabata tremendo y e miho a gana e wega.
Pa mas lesa TREMPAN.COM.
