Na Abattoir tin un seccion di mata porco. Nos a drenta e area pa combersa cu algun di e trahadonan, pa asina mira ki tur ta pasando cu e matamento di porco, soyamento, preparacionnan necesario.
Osberio no ta un cara desconoci na Aruba pa loke ta matamento di bestia. Awe den un ambiente di prepara porco y pa asina esnan cu ta gusta come carni di porco, tin carni porco fresco riba mesa.
El a menciona cu te ainda no tin mucho cos, pero ta spera pa otro siman cosnan lo bira mas druk. Esaki ta e temporada cu ta druk, pero no dje tanto ey. Ya caba nan ta casi cla, segun el a menciona.
Falta hende
Tin algun di e empleadonan ta bisa cu falta hende pa soya bestia. Osberio ta un di e grandinan pa soya bestia, pero por bisa cu falta hende pa e area di soya cabrito. El a conta cu e hobennan no ta bin siña e trabao pasobra nan no gust’e. Mas tanto ta e grandinan ta haci e trabao aki. E hobennan ta bin, na holo so cu nan ta sinti cu nan ta bay bek pa no bolbe mas. E ta poco fastioso si, segun Osberio. Loke ta pasa ta cu na cabamento di aña so nan tin un bida tambe. Mey mey di aña ta algun bestia so ta wordo mata. Ta hopi slow. E grandinan, cu tin pensioen, nan ta lora.
Un pasion
Osberio ta cria y mata bestia. Ta algo cu e gusta tambe. E tradicion di e hobennan, nan mester bay haci esey tambe. Pero ta poco dificil. Nan gusta trabao fini so, el a menciona. Osberio tin un yiu cu ta traha eyden y awo ta run e show. El a tuma over e trabao.
Cuanto tempo
Pa por prepara un porco ta tuma 10 pa 15 minuut. E mashinnan cu ta traha cun’e ta sofistica y ta laga e carni limpi.
