United States Southern Command (SOUTHCOM) a haci un donacion di 50.000 dollar na Corsou pa paketenan di cuminda, cu lo asisti famianan afecta den e impacto negativo di COVID-19.
Famia y staff di Consulado General Mericano na Corsou y US Air Force Forward Operating Location tabatin gesto di boluntario pa empaketa mas of menos 1100 pakete di cuminda na e banco di cuminda.
A cuminsa cu e proyecto door di e candela cu a destrui ekiponan importante y mas of menos 250 pakete di cuminda dia 28 di mei 2020 den e deposito di Crus Cora di Corsou. E consulado Mericano ta traha cu SOUTHCOM pa ehecuta e proyecto di asistencia humanitario.
Consulado General Allen Greenberg a bisa cu hamber no tin color ni credo y ta responsabilidad di hende bon, pa alivia e dolor. Den nomber di Mericanonan e ta contento cu nan ta brinda e sosten aki. Pa 227 aña Merca tin su presencia na Corsou y durante temponan dificil a sostene otro manera den temponan bon. “Nos lo sobrevivi e pandemia aki. Nos lo sigui busca maneranan pa sigui traha hunto como partner y amigo,” el a bisa.
