Mas y mas produccion nobo ta subi mercado y ta un placer di por mira nos hobennan local tras di cada un di esakinan. E biaha aki a toca turno na un hoben di presenta su exito nobo, den persona di Jefferson “J EFF” Wouters cu su cancion nobo titula Bendiciona.
Den un entrevista masha ameno cu e artusta a haya oportunidad di sinti un poco mas di cerca kico tur tin tras di un produccion nobo y con ta yega na e producto final. El a conta cu tabata un regalo cu el a brinda su mes pa su cumpleaños.
Tur cos a cuminsa un luna prome pero e mes un fecha cu su cumpleaños. El a conta cu na momento cu inspiracion presenta, no tin nada otro cu easy. Ta para tur cos y ta dedica na e letra pa finaliza esaki sin estorbo. Den baño na e momento ey cu awa ta basha, a stop tur cos y a hinca e cancion aki den otro.
J EFF ta sigura cu inspiracion ta algo cu ta bin di ariba, di e ser mas grandi y cu ta bendiciona e proceso y ta un regalo (un don) cu e ta balora. E mes un dia e letra di e cancion nobo aki tabata cla. Siguiente paso tabata pa tuma contacto cu su bon amigo Claudius Philips Jr. cu inmediatamente a sostene y brinda espacio pa graba e cancion aki. E mes un anochi a drenta studio pa grabacion di e cancion Bendiciona.
A yega e parti di grabacion di videoclip
A tuma contacto cu otro amigo Ricardo Ridderstaat como tambe Earl Clemencia cu e idea di e video clip cu lo bira un regalo na su mes riba e fecha di su cumpleaños. Aunque e trayectoria pa e producto final no a bay manera planea, ta gradici y accepta pasobra e tin su motibonan y ta Dios su boluntad cual e ta kere hopi aden.
E produccion final ta algo cu J EFF ta hopi satisfecho cu ne, calidad hopi halto y cual ta bira su prome videoclip den e nivel aki. Adicional a laga traha beat original pa e cancion aki cu a keda den man di Jay Ortega miho conoci como Young Twista mientras e mix mastering tabata den man di claudius Philip Jr.
Pa locual ta planes pa futuro, Jefferson ta sigura cu e no a stop y cu lo sigui trece produccion nobo dilanti. Algun tin biaha ta tarda mas cu otro pero su inclinacion musical semper ta domina y como tal el lo continua den e mundo artistico y lo traha segun su forsa. Semper teniendo na cuenta prioridadnan den bida.
Momento cu kier produci y presenta algo di calidad y nivel halto e tin su costonan. Comprenidbel tambe cu hobennan cu kier yega na produccionnan asina aki no ta yega di biaha na esaki como cu financieramente e tin su retonan. Bon produccion ta costa.
Su genero lo por cambia dependiendo di e inspiracion pero algo cu ta sigur, cu e passion pa musico lo continua y cu por spera semper algo nobo di su parti. Na e hobennan cu tin intencion of ta cuminsndo “No give up riba bo soñonan” cu dedicacion y disciplina, inverti tempo den bo passion y si bo ta stima locual cu bo ta haci, bay pe. Cuminsa na algo mas abou, pero cuminsa. Traha segun bo forsa y un dia bo bendicion ta yega.
Un danki ta bay na Janiro Eisden, Nicole Eisden. Como e “role model” for di principio di su carera te cu dia di awe, un respet y admiracion grandi na e legendario artista aki “ Ataniro” cu ta fungi como ehempel y inspiracion na sigui. Un persona cu ta dedica y detayista pa presenta e miho calidad posibel den locual cu e ta haci y ta locual cu e ta admira como artista.
Na Ricardo Ridderstaat, Earl Clemencia y full e production team. Un danki na Claudius Philip Jr, na mi padrino “Big Chief”, tambe na bon brother Giuseppe Williams cu ta e persona cu a pone den mi mente y a pone cu a inicia mi carera artistico for di edad di 13 aña. Na Quincy Breel un danki tambe y na tur cu di un of otro manera a yuda den e produccion aki.
