No mucho despues cu a bati alarma na Noord pa un caso di ladronicia na un joyeria, a drenta infomacion cu a para un vehiculo den area di Kamay y cu muy probablemente nan tin un sospechoso deteni.
Esaki a tuma luga den careda di 12:30 pm dilanti parcela Kamay #1 na Noord caminda un persona di fam Sint Jago a hay’e cu diferente polis para su dilanti, bou sospecho di a comete e acto di ladronicia na Marriott. Segun por a compronde cu e tabata cuadra cu e descripcion cu a duna na e sitio.
E acto di atraco\ ladronicia aki a tuma luga pa mas o menos 11:30 am ora a bati alarma na Colombian Emeralds situa den Aruba Marriott Resort & Stellaris Casino. E sospecha tabata Rubiano, bisti cu bril scur, cu short preto y jacket color cora ariba, a drenta e luga y di forma violento a horta varios joyas bay cu ne.
E sospechoso a papia bon Papiamento cu e trahadonan eyden. E sospechoso a sali cu e botin, subi un auto marca Toyota di dos diferente color, di cual no ta sigur di e modelo, ta sospecha Vitz of Tercel y cu un bahul color bruin (otro color cu e auto) y a bandona e sitio.
A cuminsa un buskeda hopi grandi, cu diferente unidad policial, den area di Noord caminda a bin topa cu vehiculo y sospechoso. Na sitio e sospechoso a duna di conoce via e live di 24ora.com cu “Aki rato mi ta bek na cas”.
Vehiclo tambe nan a tuma den beslag. E no tabata mucho leu di e area cu a haci e detencion, y a transporte pa warda pa asina traha riba e investigacion.
