Hopi informacion a bini dilanti den corte diabierna ultimo, durante tratamento di e caso di asesinato di Poentje Castro, di Un dia den Bida, riba dia 23 di december 2010. Loke cu a hala atencion durante tratamento di e caso tabata cu cobertura den prensa di un persona envolvi den un delito a pone atencion riba Anderson Rasmijn. Pero asina mes e tempo ey, pa motibo desconoci, no a sigui y mester a laga Rasmijn liber.
Riba e fecha menciona, prome cu 8:00 am, a drenta un melding di un persona sin bida haya den cura di Weststraat 79. Ora cu polis a yega tabata trata di Poentje Castro y el a fayece basta ora caba. A constata cu el a fayece door di sangramento interno a causa di perforacion di un bala. Na e sitio a haya resto di un bala y algun huls.
E problema tabata pa haya sa kende e homber cu T-shirt di Nike ta. Algun luna despues, riba 21 di mei 2011 a detene Rasmijn pa un otro caso. Pero 10 dia despues a lag’e bay. Algun ora despues a bolbe deten’e pa un otro caso.
Fiscal a bisa cu, manera ta sosode hopi biaha na Aruba, e medio di comunicacion www.24ora.com tabata presente na e sitio y a publica algun potret di transporte di Rasmijn pa ward’i polis. A compara e potretnan ey cu e imagennan den Spechtstraat y a conclui cu tin un parecido hopi grandi. Pa e relato completo, lesa e edicion di TREMPAN di awe dialuna.
