Loke ta falta pa carnaval caba, Solo Banda Show ta preparando nan mes pa haci lo miho posibel. Segun Robert Jeando’r, ta un manera caba di tanto aña cu nan tin cu Los Laga Bai, ta pa algo.
Ta prome banda musical na Antias cu por a logra esey, cu un solo grupo di Carnaval. Nunca a cambia di grupo. A cuminsa cu LLB y a keda te dia di awe. Un dia lo por cambia, ki dia, Robert no sa. Por ta por yega 30 aña sigur cu nan.
Ora cu Robert y SBS pasa, nan ta sinti hopi contento y ameno con e publico ta responde cu nan. Nan ta toca live. No ta uza mashin ni nada. Tur cos ta en bibo. Y ta haci’e cu tur amor. E manera cu por traha cu e publico, e cantantenan cu ta rond di Solo Banda Show, ta inspira semper riba caya pa trece e ambiente pa tanto e grupo di LLB y e hendenan cu ta canto di caminda cu ta wak nan. E cantantenan ta biba cu nan y ta trece tur nan experiencia, e animo pa e publico cu ta canto di caminda, mas e participantenan sinti nan bon.
Solo Banda Show ta conoci pa tin un toke diferente pa loke ta e canticanan. Segun Rober Jeando’r, e tin su estilo y a siña esey, mirando cu asina el a lanta. Tempo cu el a bay den e bida internacional, a bis’e semper pa haci su mesun cara. No copia di otro.Logico bo ta copia di otro prome, prome cu bo yega na di bo mes. El a haci su estilo, el a trece y pone y si bisa un palabra cu Johnny Ventura a yega di bis’e, cu si bo no gusta, un dia nan lo gustabo. E ta coy tur e Roadmarchnan, ta pone na su propio estilo. Loke e ta sinti, e ta cambia e harmonisacion, e ta pone nan manera cu e kier. Esey ta haci cu Solo Banda Show tin su toke. Y e forma cu ta harmonisa, Jeando’r tin su manera y e otronan tin nan propio manera y Robert Jeando’r, ta uza esun di dje.
