Despues di algun tempo di preparacion, diabierna anochi a tuma luga e tan anhela 96Degrees Legacy Party.
Balashi Beer Garden tabata e centro di ambiente pa e publico grandi cu a presenta pa pasa un anochi di recuerdo y bon musica. Dos banda di Reggae, Roots I Riddim y I Culture a presenta e anochi aki hunto cu DJnan invita manera Nutzbeatz, Mikes Super Disco, DJ Sky anima pa MC Jean Carlo cu sigur a sa di tene e publico entreteni.
Locual sigur a causa un furor grandi e anochi aki, ademas di e bon ambiente, tabata e brilnan di solo blauw ‘Smooth Glasses’ di Dewar’s Caribbean Smooth cu tabata patrocinado di e seccion di VIP.
Cada grupo na mesa a ricibi nan bucket cu boter di Dewar’s Caribbean Smooth, drinking cups y sunglasses cu tabata e detaye inclui cu cada mesa pa e evento aki.
Balashi Beer Garden sigur a bira luga ideal pa e tipo di evento grandi asina aki y cu tur comodidad pa e publico por gosa y disfruta. Bar y cushina tabata bon surti y por conclui cu esaki tabata un prome evento sumamente exitoso.
Promotor a duna di conoce cu no ta bay keda na esaki pero tin mas mas evento na caminda. A gradici un y tur cu a acepta y sostene e magno evento aki.
96Degrees a pone su prome stempel den nighlife events di Aruba.
