E consecuencianan ta keda drenta pa Alberto Groeneveldt. E persona doño di e cacho Khaleesi, mara na cadena pa periodo largo y cu consecuencia fatal. Awo ta e organisacion SMAC.
Tabata siman pasa cu boluntarionan di Luna Foundation a bay na un cas, despues di a ricibi un denuncia, y a topa cu un cacho chikito mara na cadena y cabuya na troncon di un mata cu 4 puppie rond di dje. Pero tur cos ta mustra cu e cacho tabata mara pa hopi tempo asina, pasobra e no por a ni move mas, ya cu e cadena tabata tur troci cu mester a corta esaki, mas bien e hak mester a corta pa libera e cacho cu nan a duna e nomber di Khaleesi.
Lamentablemente e cacho cu a mustra hopi gana di biba, e lesion cu el a ricibi na su garganta tabata asina profundo cu el a fayece dos dia despues cu nan a rescat’e. E doño ta Alberto Groeneveldt, kende no ta un persona desconoci den comunidad. Pero cu e situacion aki ta hopi ta e consecuencianan cu e lo sufri.
Ya caba e partido di cual e tabata candidato (MAS) a pidie pa retira. Y awor ta SMAC. SMAC ta e organisacion cu ta encarga cu organisacion di Aruba su carnaval. Groeneveldt ta un boluntario pa hopi aña. Pero cu e situacion cu a surgi, nan a inform’e inmediatamente cu no ta interesa mas pa e forma parti di e organisacion como boluntario.
Loke cu el a haci tabata un crueldad masha grandi pa cual e lo mester bay responde p’e legalmente.
