Awe mainta polis a yega na e ex ruina di oro na Balashi, pero na e banda di Franse Pas, y a topa cu e bista aki. No tabatin ni mester di Brandweer pasobra e vehiculo, un Hyundai Getz, tabata completamente kima.
A cuminsa un investigacion pa mira si tin denuncia di robo di auto. E marca aki no ta uno cu sa wordo horta, No a mira ningun lastro cu a keda atras den e vehiculo cu por uza como prueba.
Ta averiguando si ningun persona den e bisindario por a mira movecion den oranan di marduga. A haya e auto na mesun caminda di esun di algun aña atras.
Den e caso ey despues a bin descubri un curpa completamente kima den e bahul di e auto. E caso ta den man di autoridadnan.
