E di seis congreso di SKOA pa su docentenan a tuma luga dialuna 30 di october na Hilton Aruba. Un ocasion hopi importante mirando e oportunidad cu a ricibi pa dunana docentenan, reforsa nan pa asina mehora y trece e conocemento bek n’e alumnonan.
E ‘feedback’ di e docentenan despues di e seis aña bezig cu e programa aki ta uno hopi positivo segun director di SKOA, drs. Anuesca Baly. “Nos a cuminsa cu The Rolf Groep, un partner di nos for di Hulanda. Pocopoco nos ta bezig cu nos mesun docente y profesionalnan pa duna tayer tambe.” Dus bo ta haya un oportunidad unda e docente tambe lo yuda train otro docente. “Esey nos ta logrando y nos ta hopi contento cu esey,” Baly ta expresa.
