Diahuebs sindicato STA a tene un reunion cu gerencia di Serlimar hunto cu e delegadonan di e sindicato den e compania.
Diego de Cuba, lider di Sindicato di Trahadonan Arubano, STA, a cuminsa na bisa cu nan kier sa di e situacion di Serlimar Sui Generis pa e añanan cu ta bin y tambe e situacion cu e ta den actualmente.
Serlimar ta den un situacion di extension di pago, unda cu practicamente tin un bewindvoerder cu ta controla e situacion financiero di e compania. Esaki ta haci cu nan man ta mara. Tur decision pa loke ta regarda finansas, mester bay via e bewindvoerder. Esey ta un proceso mas cu logico, ora cu ta bou di curatela.
Pero por a compronde cu lo extende esaki tambe, pa por tin mas espacio pa trata di sali for di e abismo cu Serlimar ta aden. Esaki ta un proceso cu lo tuma su tempo.
STA ta reitera cu e compania tin derecho di existencia y STA semper a para pa Serlimar y su trahadonan.
E competencia eyfo no ta facil, e ta duro y nan tin capital. Esaki ta hustamente loke cu Serlimar no tin. Door di genera placa, por sanea e situacion cu e compania ta den actualmente. Pero tur esaki lo mester sosode via e cobramento pa recoge sushi, cual a wordo restructura den e ultimo temponan.
Pa un relato mas amplio, lesa bo corant digital TREMPAN.
