Awe marduga pa 2:50am Polisnan atento patruyando riba e caminda di Shiribana na altura di Hong Kong Supermarket a señala un auto sospechoso. E auto a hala atencion pasobra e number di dilanti no ta cuadra cu e number patras. A para e auto mesora y a confirma e sospecho di e defensornan di ley, e auto ta ilegal riba caretera!

Polis a constata cu e chauffeur no tabatin rijbewijs cune o sea cu e no por a demostra di tin un rijbewijs valido. E auto no tabatin un prueba cu su number ta paga, por lo menos no riba e auto specifico aki. Comosifuera poco, e auto no ta gekeur ni tin un seguro valido.

Chauffeur sin rijbewijs + sin seguro + sin number di auto = DetencionPa mas informacion: https://24ora.com/sin-rijbewijs-sin-seguro-sin-number-detencion/

Posted by 24ora on Saturday, October 12, 2019

Tur esaki a bira un motibo valido pa Polis detene e chauffeur y hib’e Warda di Polis pa atende cune riba e asunto. Den mayoria caso, despues di haya un boet, ta laga e sospechoso bay cas numa.

E mesun auto cu dos diferente number. Esun dilanti ta un number temporal pero ta diferente cu esun di patras.

Ultimo añanan, despues di e cambio di leynan di trafico a stipula den dje cu Polis “por” detene un chauffeur sin rijbewijs pasobra di un “overtreding” a cambia e delito pa un “misdrijf”. Polisnan cu hopi experiencia ta cuestiona e maneho nobo aki, pasobra e Polisnan ta detene chauffeur, mester lanta un Fiscal Auxiliar for di su cama pa bin Warda di Polis pa atende cu un sospechoso cu por a contesta tur pregunta na e sitio mes.

E windshield tin un sla pisa cu ta haci cu de facto e auto no por ta riba caminda. E glas ta dificulta un bista normal di e chauffeur riba caretera.

Di otro banda, chauffeurnan iresponsabel cu ta stuur sin rijbewijs, tene cuenta cu e cambio den ley. Hopi biaha e impacto di Bo detencion den noticia tin un impacto mas grandi cu e multa mes cu ta bin despues. Mas cu djis stuur auto sin rijbewijs, e problema principal ta cu si Bo ocasiona un accidente, seguro no ta paga, pasobra un chauffeur sin rijbewijs no mag participa den trafico.

Comments

comments