Durante e di 54 Asamblea Mundial de la Salud di OMS – Organizacion Mundial de la Salud, a tuma e decision pa haci di esaki un evento permanente door di e impacto internacional di e programa modelo di ‘Promoción de la salud’ y haci riba 6 di April.
Dia Mundial di Actividad Fisico
Conmemorando e dia aki, varios evento ta wordo organisa rond mundo. Pa varios aña caba na Aruba – Fundacion di Moviemiento ta Bida (FMTB) cu cooperacion y aliansa di demas organisacionnan – tambe ta celebra e dia aki cu actividadnan fisico pa mucha, hoben, adulto y e Adulto Clasico.
E aña aki un biaha mas esaki ta wordo celebra, pero FMTB a dicidi pa haci un siman di actividad fisico enbes di un dia.
Despues di 3 luna di hopi trabao FMTB a logra cu hopi entusiasmo y satisfaccion di tur e participante y organisadonan di a hinca un siman cu hopi actividad den otro. E siman di Actividad Fisico lo cuminsa dia 2 y lo termina dia 9 di April 2018.
Dia 6 di April lo converti henter Caya Grandi den Oranjestad den un centro di actividad for di 6 or di atardi te cu 10 or di anochi.
Mas cu nunca Directiva di FMTB lo kier pone atencion ariba movecion pa tur hende e aña aki y e lema ta: “SEA ACTIVO TUR DIA”.
Esaki ta conta pa tur edad masculino y femenino.
Pa dia 9 di April un suplica ta bay na tur scol rond di Aruba pa riba prome dia di scol tene un actividad fisico p’asina concientisa tur studiante riba esaki. Hunto nos mester cuminsa pone mas atencion riba nos curpa cu mester move tur dia p’asina nos tene nos mes den condicion y mehora nos salud. Esaki ta cuminsa for di chikito te grandi.
E actidad ariba diaverna 6 di April lo ta ariba diferente sitio y ta pa grandi y chikito.
Tur actividad ta gratis pa participa.
