Den cinema tin e estreno di documentario di Wardacosta Caribe Hulandes. E estreno aki ta un produccion di National Geographic. Tres aña pasa National Geographic y un productor a acerca Wardacosta cu e peticion pa haci un documentario di nan trabou.
Shalick Clement, vocero di Wardacosta, a splica despues di un contract largo y atende cu e peticion, mira kico ta posibel y kico no. A yega na un acuerdo pa duna National Geographic y Goya productions e plataforma di Wardacosta. Na prome instante nan a filma hopi parti di e trabounan di Wardacosta na Corsou, despues a incorpora den e documentario e trabounan di cu Wardacosta di Aruba ta haci, incluso a pone e parti di Sint Maarten.
Tin diferente factor y motibo pakico a acorda. Clement a splica cu nan a evalua p’un temporada largo prome cu a acorda kico tabata e pro y contra. Algun cos cu nan a mira como pro cu nan kier laga mira kico ta trabou di Wardacosta, pero tambe kico ta e retonan cu nan ta haya diariamente riba lama. E coleganan, e peliger cu nan ta core tin biaha pa nan bida, pero tambe otro cos cu hende ta visualisa hopi mas miho. Tambe pa laga mundo mira kico nan trabou ta y cu e trahadonan di Wardacosta ta haci e trabou pa asina haci e paisnan den Caribe un pais cu frontera mas safe posibel.
