SEPPA ta lamenta cu pafo di tur discusion, mientras cu a pidi esaki na mesa, ta sali cu un documento. Claramente tur hende por a mira cu ni un luna atras e documento aki lo a yega na conseho di minister.
Ta trata di un documento di dia 17 di mei y cu esaki ta uza como argumento of motibo di loke e ta bisa cu e pakico e mester pasa OAA bao di Stichting EPB, secretario general, Magali Brito a comenta.
Loke cu SEPPA ta lamenta cu pa motibo cu mientras cu tabata na mesa, habri, dispuesto pa ricibi tur informacion y discuti esaki, dialoga pa yega na un entendimento, pafo ta sali na un manera ‘achterbaks’ of scondi, cu un documento cu ningun momento tabata parti di discusion.
Ta bon pa aclaria esaki pa motibo cu den e reunion aki tambe a informa e minister cu mientras cu e ta uzando e parti di un investigacion a tuma luga, e no ta bisa cu e ta core di un periodo hopi mas prome, caminda cu e por a tuma un decision cu OAA lo a funciona diferente y e hendenan cu el a pone, tambe pa bay traha na disposicion di OAA.
Haciendo esaki, door di a sali afo cu e documento, ta tacha nomber di e trahadonan cu na e momentonan aki ta malcontento y bao frustracion cu e minister a causa bao di e trahadonan, ainda ta bringando pa existencia di OAA.
Y bringando tambe pa OAA mustra su balor y derecho di existencia.
Ainda ta keda mustra e cantidad di hendenan cu cada dia ta keda acerca OAA pa curso, pa opleiding pa por sigui prepara nan mes, forma nan mes pa bay dilanti, pa keda mustra e hendenan aki cu OAA tin tur capacidad y posibilidad pa brinda nan pa nan por subi, keda y profesionalisa nan mes riba mercado laboral.
Pa mas detaye lesa matutino TREMPAN.
