Diabierna mainta e delegacion di Little League U10 a sali pa Puerto Rico. Nan ta cla pa representa Aruba den e Regional Latin America Championship.
Max Arendsz, manager di Seleccion Little League U10, a indica cu e seleccion a sali campeon den Interleague entre South, North y Center. Despues di cuater wega nan a gana y di biaha a cuminsa cu e preparacionnan pa e biahe pa Puerto Rico. Aki nan ta competi den e Regional Latin America Championship 2023.
E delegacion ta consisti di diescuater mucha. El a splica cu nan a cuminsa e Interleague cu dies mucha, pero por poco nan a perde dos. Asina mes nan a logra cera diescuater mucha, unda henter e team completo a bay Puerto Rico hunto cu tres coach y dos delegado.
E unico team cu no ta bay competi den e campeonato aki ta Venezuela, pero esunnan cu lo competi ta Honduras, Panama, Mexico, Virgin Islands, Puerto Rico cu dos team, Corsou. Un total di dies team ta competi na Puerto Rico.
