E delegacion di landamento a yega diahuebs atardi fo’i Barbados. E delegacion a logra regresa cu dies medaya y a termina na di dies luga.
Tyrine De Kort, coach di seleccion di Aruba, a splica cu diesocho mucha a biaha pa bay Barbados y a termina na di dies luga. Nan a logra gana tres medaya di oro, tres di plata, tres di brons y un plata mas den openwater. Por mira despues di e pandemia, e nivel a keda hopi halto.
De Kort a remarca cu e tecnicanan dje landadonan ta riba hopi bon nivel. E coachnan ta hopi contento p’esaki. Tur e muchanan a haci un bon papel y tabatin un bon mehoracion.
Aruba Aquatics Federation ta sumamente contento cu e representacion di e team Aruba cu ta bay Barbados. E federacion ta contento ta contento cu nan resultado y ta manda felicitacion p’e muchanan, coach y ta hopi gradici n’e mayornan cu ta e motor tra’i e muchanan. Randy Arends, presidente di Aruba Aquatics Federation, a bisa tambe e mayornan ta yuda financieramente p’e muchanan aki por participa den tipo di competencia aki.
Pa mas lesa TREMPAN.COM.
