Ainda nos por corda cu na 2015 a bin cu AruParking, parti den tres zona, esta zona A cu ta Oranjestad, zona B cu ta Palm Beach cu ta core for di ex-The Mill te na altura di e oficina di ex-Aqua Condominiums y zona C, cual ta e caminda paralel cu L.G. Smith Boulevard dilanti di Aruba Ports Authority.
Tambe ta conoci cu pa un tempo Aruparking tabata fo’i servicio te cu recientemente cu nan a re-implement’e pa e zona di Oranjestad, caminda cu pocopoco ta drechando e parkeermeternan, p’asina por cuminsa paga pa parkeer auto na balor di 2 florin, aunke cu tin hende a reclama cu e mashin ta cobra nan $2.
Riba e pregunta durante un conferencia di prensa di gobierno na Minister Ursell Arends, kende ta encarga cu e cartera di transporte, con a para cu e zona di Palm Beach, el a contesta cu a cuminsa cu Playa prome. E palabracion ta cu lo tin tres luna di evaluacion con e proceso aki ta y si tin modificacion necesario pa fase 1.
Den fase 2 lo evalua si lo aumenta parkeo gratis, unda tur por aumenta esaki tambe. Pero aworaki esey ta restart Aruparking y pocopoco lo sondea e oportunidadnan y mira con lo amplia esaki.
P’e maneho di centro di ciudad, vooral pa Caya Betico Croes, for di e diferente reunionnan cu a tuma luga cu e comerciantenan ta pro pa tin parkeer regular. Nan mes ta boga p’e y e minister ta sinti cu for di e inversionistanan cu a papia cu nan cu kier inverti den e centro y hasta cu kier traha parkeergarage, pa nan ta necesario pa parkeer ta regula.
P’esaki ta controla, pa tin e orden y mobilidad necesario, p’asina nan tin e confiansa pa haci e inversionnan necesario. Ta cos cu a bin ta traha riba nan. No ta di un dia pa otro a tuma e decisionnan, segun e Minister.
Tin doorlichting cu ta conclui pa un tercera cu no ta gobierno (PWC Nederland), cu a haci e evaluacion y den nan evaluacion a señala claramente cu AruParking tin su derecho di existencia. E por ta un business model cu ta financieramente rendabel riba su mes y cu tin tur derecho pa opera y pa trece regulacion den centro di ciudad.
Loading…
Reload document 
Open in new tab 
