Un rato pasa alrededor di 11:45 pm polis a presenta na Yen Yen Bar p’un pelea. Aki ta caminda cu miembro di siguridad a agredi un cliente di e bar. Parce tabatin un descusion formal, cu a termina na halament’i conopi. Na yegada di polis, a topa un homber cubri na sanger y casi no tabata reacciona.
Ta trata di un meneer di edad caba, el a conta cu; a want’e y golpi’e. Unico persona cu el a mira ta agredie ta e miembro di siguridad. Polis a conseh’e p’e entrega denuncia na recherche, locual e ta bay haci tambe.
A detene e agresor y transport’e pa ward’i polis, prome cu el a subi e aut’i polis el a bisa: “Mi ta inocente.” E victima su casa tabata man na cabes ta yora. Ambulance a presenta pa check un cu e otro cu e victima, mirando cu e tabata sangra pa nanishi y boca, a ricibi basta sla na cara y man.
