Ursell Arends, Minister di Naturalesa ta splica cu su ministerio ta trahando caba riba varios cos positivo, y riba Dia di Alimentacion a dicidi di lansa un proyecto piloto, un iniciativa pa scolnan basico por registra y haya chens pa tin un plantacion di Agroforestry na nan propio scol.
E iniciativa aki tin como meta pa educa e siguiente generacion riba e balornan di agricultura sostenibel, y mas cu tur cos segun minister Arends, e ta pa promove e interes tambe den sector primario. E muchanan ta haya oportunidad educativo pa siña tocante agricultura sostenibel, uzando tecnica di Agroforestry pa mehora e calidad di suela y elimina uzo di pesticida.
REGISTRACION
Ademas di esaki, e proyecto ta aporta na e seguridad di alimentacion y auto-suficiencia, cu enfoke riba scolnan cual kisas tin limitacion pa por yega na tipo di proyectonan aki. Scolnan por cuminsa registra riba 1 di november te cu 15 di november, tur bestuur di scol lo haya carta cu tur splicacion y detayes relaciona cu e proyecto. Un total di 10 scol lo keda escogi pa participa den e proyecto aki, na base di criteria specifico manera e motivacion di e scol, tereno disponibel cu awa y coriente, y compromiso di e scol pa participa.
Lesa mas den TREMPAN.
