Diasabra 5 di augustus 2023 pa 7:00 am tin Santo Sacrificio di misa na Kapel di Alto Vista y den Kapel di Cas Curason di Maria na San Nicolas (Blue Army Center).
Diasabra, pa 6:15 am ta resa Santo Rosario “Misterio Gososo”, despues ta sigui cu Salve Regina. 7or ta sigui cu Santo Sacrificio di misa.Ta invita tur fiel y devoto pa asisti. Mama Maria ta intercede pa nos na nos Tata Celestial. Papa Francisco ta haci un suplica na mundo pa resa e Santo Rosario. Henter mundo ta den un tempo di crisis grandi.
Aki na Aruba ya nos ta sinti e Cambio di Clima. E cayente di e solo ta afecta nos tur dia. Ban haci un curashi diasabra mainta trempan pa ofrece nos ora y asisti na Santa Misa y resa pa tur esunnan cu ta leu di iglesia. Laga nos ta resa pa necesidad di Iglesia Universal, pa Papa Francisco, Obispo Luis Secco, tur sacerdote, diacono y laico cu ta hiba e bon noticia pa e pueblo di Dios. Pa nos gobernantenan y tur cu ta carga responsabilidad pa nos pais Aruba.
Pa e enfermonan den hospital y ta den exterior cu ta busca nan salud. Cu pronto lo regresa na Aruba y gosa di un bon salud. Pa e hobennan Arubiano y tur cu a presencia e dianan di tayer na Portugal. Pa ora nan bolbe cu e spiritualidad sigui propaganda nan enseñansa di fraternidad pa nos hobennan. Pa e aña escolar 2023-2024 cuminsa cu positividad y prosperidad pa tur loke ta nobo den enseñansa.
