Director di Departamento di Impuesto Luenne Gomez Pieters tabata presente na Servicio Postal San Nicolas unda a inspeccion e oficina for di unda DIMP ta bay brinda servicio pa e pueblo di pariba di brug.
DIMP ta bay brinda tres servicio for di e area aki cual ta entrega number di auto, registro di autonan y pago di impuesto.
Manera tur hende por corda, e servicio di DIMP aki na San Nicolas no ta algo nobo. Nan oficina tabata situacion den edificio di Oficina Auxiliar di gobierno na San Nicolas, pero e trabounan di mantencion a haci cu nan mester a sali.
DIMP a haya hopi comentario di personanan di San Nicolas, principalmente di personanan grandi pa kendenan e caminda pa yega MFA Savaneta toch ta un tiki largo. Pa e motibo aki a bay den combersacion cu minister di finanza pa yega na un solucion y den esaki a haya cooperacion di Post Aruba NV. Berdad tin MFA-nan na diferente districto pero hopi hende kier tin e servicio mas cerca di cas pa cumpli cu nan debernan.
E servicio a cuminsa awe y ta recorda cu e pagonan na caha por sosode solamente cu debit card. A topa cu algun reto, manera problema cu conexion cu SETAR mainta a cuminsa traha di biaha riba nan.
Durante un siman largo tur empleado a traha riba e oficina pa e ta cla pa cuminsa ricibi clientenan.
E apertura di e oficina auxiliar na San Nicolas a bini net na bon momento pa pago di impuestonan, manera esun di auto.
