Den cuadro cu reunion publico riba refinanciamento y debe cu Hulanda diahuebs mainta, parlamentario independiente mr.dr. Rycond Santos do Nascimento ta subraya cu minister-president ta bolbe papia mentira.
E parlamentario ta subraya cu un minister no ta doño di e caha di pueblo y cu ta pa e motibonan aki netamente Aruba ta den e situacion cu e ta aden.
E parlamentario a lansa algun pregunta na minister-president durante e reunion, entre otro cual punto di e RAft tabata un ‘break point’ pa gobierno, y si por splica dicon. E parlamentario a subraya tambe riba e concepto unda ta supone ta aspectonan di articulo 15 di e Raft, si minister-president por a elabora riba e puntonan cu realmente tabata un ‘break point’ den esaki.
Tambe a puntra riba e hybride constructie, pa tin claridad riba kico minister-president ta wak como asuntonan cu por keda regla den e Rijkswet sin problema, y cosnan cu absolutamente -den concepto di minister-president- mester keda den un Landsverordening.
E parlamentario tambe a puntra riba kico tabata e base legal pa firma e acuerdo aki cu Hulanda pa un periodo di 20 aña, tumando na cuenta nos ley di comptabilidad y demas ley cu Aruba tin.
“E contesta cu sra. Evelyn Wever-Croes a duna ta cu e base legal ta den e presupuesto. E no a specifica ki presupuesto.” Segun do Nascimento, e realidad ta cu riba e simpel contesta aki por tuma nota atrobe cu minister-president ta gaña. “Pasobra den presupuesto 2023 e no ta para, y presupuesto 2024 no a wordo pasa ainda. Kiermen bo no tin base legal.”
Lesa mas den TREMPAN.
