Siman pasa Minister di Transporte, Integridad, Naturalesa y Asunto di Mayor a presenta na Embassy Suites pa para e trabounan.
Ryçond Santos do Nascimento, parlamentario independiente, ta haya cu esaki tabata un stunt politico pa Raiz. “Tur hende sa cu Raiz no ta sirbi pa nada”, el a expresa. E partido a sali cu yen di promesa, pero den salida por a mira cu ora tabata trata Eagle LNG nan a para duro. Pero asina e momento a yega pa para fuerte, nan a bira moli moli. Esey ta e realidad di Raiz.
Awo nan ta haya yen di conseho, cu mester duna cara, duna tegen gast na gobierno. Kico por mira? Ta mira stunt politico, pasobra Ursell Arends no ta worry cu salud di hende. Awo kier bay salba tiki yerbe. Arends a team up cu Greg Peterson, kende tabata conseh’e desde inicio, kende ta su ‘brother’ desde inicio, esun cu ta para pa paharito y no ta worry cu salud di hende.
E mester ta consciente, pasobra esakinan ta hende cu ser humano un plaga riba e planeta aki. Miho caba cu ser humano pa naturalesa por biba. Esey ta con nan ta pensa. Segun Santos do Nascimento, p’esey nan kier hinca den constitucion e derecho di naturalesa. Pero e derecho di ser humano no tin balor.
Ora mira cu un minister ta sali contra su mesun gobierno, “bo no por a resolve esaki den seno di Ministerraad? Bo no por a soluciona esaki cu bo mesun coleganan?” Mientrastanto pueblo ta wardando un gezondheidseffect screening di Parkietenbos, Simeon Antonio y henter area. Esaki ta bin pasobra hende a muri. E sospecho grave ta di e mal maneho di desperdicio.
