Tabata riba 29 di september, cu den marduga, un patruya di polis a tuma nota di un graffiti laga rib’e monumento di driekiel den area di Amsterdam Manor. A detene Nigel Maduro en conexion cu esaki.
Rycond Santos do Nascimento, parlamentario independiente, a indica cu Nigel Maduro a spray riba e beton y no riba e monumento mes, e palabranan “No more hotels”. Pa minister Xiomara Maduro e tiki verf ey ta nifica “boicotia nos Pais”. Segun minister Dangui Oduber e tiki verf ta un atentado contra turismo y p’esey “un acto inaceptabel y condenabel”, mescos tempo cu su persona a bay n’e sluis pa vocifera su malcontento.
Pero mester pone esaki den balansa. Si ta bay dilanti Corte, ta haya e estatua di Vrouw Justitia c’un balansa den su man. Esey ta nifica cu mester pone tur cos den balansa.
El a reitera cu e no ta bisando cu e spray algo riba propiedad priva, no ta un echo castigabel. Absolutamente cu no. Pero legalmente e ta un decision di OM si e ta bay haci persiguie legalmente. Pero ora cu Anouk Balentien a entrega keho oficial contra Gobierno pa motibo di dump y insinerado, OM no a bisa cu e Gobierno a haci bon of cu e no a kibra ley. Pero Gobierno a bisa cu ley penal ta e ultimo remedio y cu no ta oportuno pa duna boet awo.
Pa mas lesa TREMPAN.