Rum San Pablo di Corsou tabata parti di un feria grandi na Europa. E presencia di e rum den e feria tabata iniciativa di e propietarionan mes cu tin plan grandi p’e producto. Nan ta bezig cu un cambio grandi den e imagen di Rum San Pablo. Kier cuminsa promove e rum mas internacionalmente exponiendo tambe pais Corsou cu su producto. Durante e feria, Rum San Pablo a resalta cu su presencia. Tur cu a purb’e, a gust’e. Esaki ta un propaganda grandi pa Corsou. Den 2022 lo tende mas di tur loke Rum San Pablo lo trece riba mercado. Un tremendo producto cu awor ta cambiando e imagen y trece mas variacion tambe. Si tur empresario tuma tipo di iniciativanan asina e ta un promocion pa e producto pero tambe pa e pais di unda e produccion ta bin.
