Rowald Tromp ta un ciudadano preocupa y tin problema di salud. E ta preocupa pasobra e no ta haya yudansa. El a keda cuater luna y mey den hospital sin opera, pa motibo cu el a cay y kibra su pia.
El a splica cu dokter kier p’e wesonan pega di su mes, pero e no sa pakico no kier oper’e. su pia ta kibra dos caminda y no por cana ainda. Segun Tromp, unda e ta biba no ta apto p’un rolstoel. E ta uza walker, pero vloer ta schuin y e tin miedo di cay. Incluso hospital a manda hende pa bin wak unda e ta biba y, segun nan, e luga ta bon. Esunnan cu ta haci transport a bisa cu e luga ta apto, pero persona cu ta bin cerca a indica cu esey no ta e caso.
E no tin contra cu e luga, pero n’e momentonan aki unda e ta biba no ta bon p’e. algun siman atras e mester a sali di eynan, ya cu supuestamente el a haya un otro caminda. A manda transporte p’e y segun Tromp, no a tum’e y mester a hib’e bek hospital. Su intencion tabata di bay banda di caminda, pasobra e no kier a bay unda e ta biba.
Segun Tromp, e tin un imagen den su cabes y e unico cos cu a cambia den e cas ta cu e cama a bira un tiki mas chikito. A saca un frishider cu mester hinc’e bek. E kier pa tur hende mira su situacion y e no ta un gañado cu no tin un espacio unda e ta biba. El a busca camber bashi pa huur, tur dia e ta riba Vraag & Aanbod pero no ta haya nada. Awendia apartamento ta riba 700 of 800 florin y cu bijstand e no por cubri uno. E ta cubri henter luna kico e ta come, pero asina mes Tromp ta pidi hende yud’e.
No ta prome bes cu e ta pasa den e situacion aki, pero di dos biaha. E por tin un dak cual ta oke p’e, e tin rolstoel, walker y garoti, pero e no por handle. E ta spera cu e siman aki cu e tin di bay ImSan y HOPE bin busc’e, e kier sa con e ta bay pafo pasobra e rolstoel no ta pasa.
